عثمان بزدار دے مستعفی ہون دے مطالبے دی قرارداد پنجاب اسمبلی وچ جمع

لہور: وزیراعلیٰ پنجاب عثمان بزدار دے مستعفی ہون دے مطالبے دی قرارداد مسلم لیگ (ن) دی رکن عظمیٰ بخاری ولوں پنجاب اسمبلی وچ جمع کرا دتی گئی۔

قرارداد وچ آکھیا گیا اے ٹرانسپرنسی انٹرنیشنل دی رپورٹ نے وزیراعظم عمران خان دے کرپشن دے خاتمے دی قلعی کھول دتی، دس ورھے بعد پاکستان وچ کرپشن ہور ودھ گئی اے، پنجاب وچ اک وی میگا پراجیکٹس شروع نہ ہون دے باوجود 300فیصد کرپشن ودھ گئی اے۔

پنجاب اسمبلی وچ جمع کرائی گئی قرارداد وچ ہور آکھیا گیا پنجاب وچ 16مہینے دے دوران حکومت دی کوئی رٹ نظر نہیں آئی، عام بندے لئی انصاف دی فراہمی ناممکن گل ہو گئی، رشوت دین دے باوجود شہریاں دے جائز کم وی نہیں ہو رہے، وزیراعظم عمران خان دے نامزد کیتے وزیراعلیٰ عثمان بزدار دی سرپرستی وچ پنجاب کرپشن دا گڑھ بن چکیا اے۔