مسلم لیگ (ن) دا سرکار توں فیصل واوڈا دے استعفے دا مطالبہ

لہور: مسلم لیگ (ن) دی ترجمان مریم اورنگزیب نے سرکار توں وفاقی وزیر فیصل واوڈا دے استعفے دا مطالبہ کر دتا۔

ترجمان (ن) لیگ مریم اورنگزیب نے اپنے بیان وچ آکھیا اے فیصل واوڈا نے عمران خان دے حکم تے ہدایت تے گھٹیا حرکت کیتی، اوہناں دی حرکت تے عمران خان تے پوری کابینہ نوں شرم آنی چاہیدی اے، ایناں ویلا لنگھن دے باوجود کروائی نہ ہونا ثبوت اے کہ عمران خان دے حکم تے ایہ حرکت ہوئی، اوہناں دی دے دباء تے فیصل واوڈا دی بے نامی جائیداد تے نیب دا کوئی ایکشن ہن تک نہیں ہویا۔

مریم اورنگزیب دا کہنا سی ٹاک شو تے اینکر تے پابندی لان نال مسئلہ حل نہیں ہووے گا، فیصل واوڈا ورگے لوکاں د ا پارلیمان تے کابینہ وچ ہونا پاکستان دی بدقسمتی اے، عمران خان فیصل واوڈا توں وزارت تے قومی اسمبلی دی نشست توں فوری استعفیٰ لین۔