تازہ ترین

ڈی پی اوہ تبادلہ ازخود نوٹس: سپریم کورٹ داپُلس وچ سیاسی مداخلت دی تحقیقات دا حکم

DPO case

چیف جسٹس آف پاکستان جسٹس ثاقب نثار دی سربراہی وچ 3 رکنی بینچ نے ڈی پی او تبادلہ از خود نوٹس دی سماعت کیتی، ایس موقع تے آئی جی پنجاب کلیم امام، پچھلے ڈی پی او پاکپتن رضوان گوندل، خاور مانیکا تے اوہناں دی دھی مبشریٰ مانیکا سَنے باقی پیش ہوئے۔

سپریم کورٹ نے آئی جی پنجاب تے باقیاں دے بیانات سنن بعدوں پُلس وچ سیاسی مداخلت دی انکوائری دا حکم دتا جہدی تحقیقات آئی جی پنجاب کلیم امام کرن گے جد کہ عدالت نے خاور مانیکا دی دھی نال بد تمیزی دی انکوائری ایڈیشنل آئی جی پنجاب ابوبکر خدا بخش دے سپر کر دتی۔سماعت شروع ہوئی تے آئی جی پنجاب نے عدالت نوں دَسیا کہ سارے طلب کردہ افراد عدالت وچ موجود نیں تے سارے افراد دے بیانات حلفی وی پیش کر دتے گئے نیں۔

ایس موقع تے آئی جی پنجاب نے عدالت نوں دَسیا کہ ڈی پی اوہ پاکپتن رضوان گوندل نوں وزیر اعلیٰ دے دفتر نہ جاون دا آکھیا سی جہدے تے چیف جسٹس نے اظہار برہمی کردے ہوئے استفسار کیتا کہ تسیں آکھیا سی کہ اسیں24 گھنٹے کم کرنے آں ایس لئی رات اک وجے تبادلہ کیتا گیا۔

چیف جسٹس نے آکھیا کہ فائل وکھائو، ڈی پی او دا تبادلہ تحریری آرڈر نال ہویا یاں زبانی احکامات نال، جہدے تے آئی جی پنجاب نے دَسیا کہ تبادلے دا حکم زبانی دتا گیا، چیف جسٹس نے آکھیا کہ تسیں میری دتی ہوئی ہدایات بھلادتیاں، میں سارے آئی جیز نوں بلا کے آکھیا سی کہ اج توں سیاسی اثر و رسوخ توں آزاد ہو جاون، پُلس سیاسی دبائو تے حاکماں دے کہن تے کم نہ کرے۔

نئی تبصرہ شامل کریں

About text formats

متعلقہ خبریں

شنگھائی تعاون تنظیم دے رکن ملکاں نال تعاون لئی تیار آں: پاکستان

اسلام آباد: سیکرٹری خارجہ تہمینہ جنجوعہ دا کہنا اے پاکستان دہشت گردی دے خاتمے لئی شنگھائی تعاون تنظیم دے رکن ملکاں دے نال تعاون لئی تیار اے تے رک

مئی 23, 2018

ای سی سی اجلاس، اگلے مہینے دا گردشی قرضہ 30 ارب تک اپڑن دا انکشاف

اسلام آباد: اقتصادی رابطہ کمیٹی دے اجلاس وچ اگلے مہینے دا گردشی قرضہ 30 ارب روپے تک اپڑن دا انکشاف ہویا اے۔

اقتصادی رابطہ کمیٹی دے چیئرم

اگست 29, 2018

صدر مملکت نے الیکشن ایکٹ دا فاٹا تک ودھا کر دِتا

اسلام آباد: صدرمملکت ممنون حسین نے الیکشن ایکٹ دا اسلام آباد مگروں ہن فاٹا تک ودھا کر دِتا۔ الیکشن ایکٹ دی توسیع توں متعلق نوٹیفکیشن الیکشن کمیشن

فروری 06, 2018

نیب حکام دا آغا سراج درانی دے پروڈکشن آرڈر نوں چیلنج کرن دا فیصلہ

کراچی: نیب حکام نے سراج درانی دے پروڈکشن آرڈر نوں چیلنج کرن دا پلان بنا لیا، چیئرمین دی منظوری دا انتظار اے۔

سپیکر سندھ اسمبلی دے اہل خان

فروری 22, 2019

آشیانہ سکینڈل دا ضمنی ریفرنس دائر، شہباز شریف سَنے 13 ملزم نامزد

لہور: لہور دی احتساب عدالت وچ آشیانہ ہائوسنگ سکینڈل دا ضمنی ریفرنس دائر کر دتا گیا، ریفرنس وچ شہباز شریف سَنے13 ملزماں نوں نامزد کیتا گیا

دسمبر 22, 2018