کراچی دے انفراسٹرکچر نوں جدید بنان لئی 10ارب روپے چاہیدے نیں: وزیراعلیٰ سندھ

کراچی: وزیراعلیٰ سندھ مراد علی شاہ دا کہنا اے کراچی دے انفراسٹرکچر نوں جدید بنان لئی 10ارب روپے چاہیدے نیں۔

اک بیان وچ وزیراعلیٰ سندھ مراد علی شاہ دا کہنا سی کراچی دے مسئلے نویں نہیں پرانے نیں، کراچی وچ کچرے دا نہ چکیا جانا سب توں وڈا مسئلہ اے تے کچرا چُکن وچ کامیابی حاصل نہیں کر سکے، تسلیم کرنا آں کے ایم سی دے کول وسائل دی کمی اے، کے ایم سی نوں اسیں وقتاً فوقتاً نالیاں دی صفائی لئی پیسے دینے آں تے پچھلے چار سال وچ نالیاں دی صفائی تے بہت کم کیتا اے پر کراچی دے انفراسٹرکچر نوں جدید بنان لئی 10ارب روپے چاہیدے نیں۔

وزیراعلیٰ سندھ آکھیا کراچ وچ سب توں ودھ بارش 1877وچ ہوئی سی جد کہ جمعے نوں کراچی وچ ایک گھنٹے وچ 186ملی میٹر بارش ہوئی۔

اوہناں دا کہنا سی وفاقی تے صوبائی حکومت دی کوآڑڈی نیشن کمیٹی دے 2اجلاس ہو چکے نیں پر وفاقی تے صوبائی حکومت وچکار رابطیاں دا فقدان اے۔