کمبوہ کبڈی کلب دی چھتر چھاویں فلڈ لائٹ کبڈی ٹورنامنٹ

رپورٹ: محمد اویس باسل

کمبوہ کبڈی کلب دی چھتر چھاویں انتالی شریف، (پاک پتن شریف ) وچ فلڈ لائٹ کبڈی ٹورنامنٹ دا سربندھ کیتا گیا۔ جیہدے وچ اک پنڈ ، اک ٹیم سسٹم تے اٹھ تگڑیاں ٹیماں نے حصہ لیا۔جشنِ آزادی دے سلسلے چہ ہون والا ایہہ مِہر پُرپیا ٹورنامنٹ تن دن جاری رہیا، انتالی شریف سمیت، سبھے ٹیماں نے ودھیا کھیڈ دا مظاہرہ کیتا۔ دھرتی تے تریخ چہ پہلی واری ایڈے بھرویں،منظم تے من کھچویں کبڈی ٹورنامنٹ دا سربندھ کیتا گیا۔
ٹورنا منٹ(29/SP) دی ٹیم نے جِتیا ۔پہلا انعام 29 ایس ۔پی تے دوجا انعام 40 ایس۔پی دی ٹیم نے جتیا۔

بیسٹ ساہی دا انعام موجی ٹائیگر آف 29ایس۔

پی تے بیسٹ جاپھی دا انعام سیانا بھٹی آف 29 ایس پی ہوراں نے حاصل کیتا۔اچیچے پروہنے جمشید کمبوہ صدر ہائی سکولز ہیڈ ماسٹرز ایسوسی ایشن ضلع پاک پتن،سرپرست صوبہ پنجاب دل دریا پاکستان ہوراں نے انعامات دِتے۔

ایس مشینی تے افرا تفری دے سمے وچ ، نوجوان نسل نوں تعمیری تے صحت مند سرگرمی مہیا کرن تے پنجاب دی ہر دل عزیز روایتی کھیڈ کبڈی نوں پرموٹ کرن پاروں ،چودھری محمد ساجد کمبوہ، محمد عابد کمبوہ، محمد ماجد کمبوہ، محمد عثمان کمبوہ(سومی) محمد زاہد کمبوہ تے سب متر مبارکباد دے مستحق نیں۔ کمبوہ کبڈی کلب ولوں ایہہ اعلان وی کیتا گیا کہ اینج دے ٹورنامنٹ کراندے رہواں گے تاں جے پنجاب دے جوان اپنا تے اپنے پنڈاں دا ناں اُچا کر سکن۔