پاکستان وچ کرونا وائرس دا پنجواں کیس ساہمنے آ گیا

اسلام آباد: وزیراعظم دے معاون خصوصی برائے صحت ڈاکٹر ظفر مرزا نے ملک وچ کرونا وائرس دا ہور اک کیس ساہمنے آن دی تصدیق کر دتی جہدے بعد ملک وچ کرونا وائرس نال متاثرہ بندیاں دی تعداد5ہو گئی۔ ڈاکٹر ظفر مرزا نے ٹویٹ کردیاں ملک وچ آن والے پنجویں کرونا وائرس دی تصدیق کیتی اے۔

گلگت نال تعلق رکھن والی 45سالہ خاتون وچ کرونا وائرس دی تصدیق ہوئی اے۔ قومی ادارہ صحت گھلے گئے ٹیسٹ وچ خاتون وچ کرونا وائرس پایا گیا اے۔ ڈاکٹر ظفر مرزا دے مطابق کرونا وائرس نال متاثرہ خاتون مریضہ پمز ہسپتال وچ داخل اے، پر مریضہ دی حالت خطرے توں باہر اے تے اوہدا وفاق وچ بہترین علاج ہو رہیا اے۔