پولی تھین بیگز دے خلاف کیس دی سنوائی، محکمہ ماحولیات نوں 10دن وچ رپورٹ دین دا حکم

لہور: ہائی کورٹ وچ پولی تھین بیگز دے استعمال دے خلاف کیس دی سنوائی ہوئی، عدالت نے محکمہ ماحولیات نوں 10دن وچ رپورٹ جمع کران دا حکم دے دتا۔ لہور ہائی کورٹ وچ پولی تھین بیگز دے استعمال دے خلاف کیس دی سماعت جسٹس شاہد کریم نے کیتی۔

درخواست گزار دے وکیل سلمان خان نیازی نے نشاندہی کیتی پولی تھین بیگز نال آلودگی ودھ رہی اے تے پیچیدہ مسئلے پیداہو رہے نیں، سارے وڈے وڈے شاپنگ مالز وچ اجے تک پولی تھین بیگز دا استعمال جاری اے۔ وکیل نے استدعا کیتی کہ پنجاب وچ پولیو تھین بیگز دے استعمال تے پابندی لائی جاوے۔

جسٹس شاہد کریم نے ریمارکس دتے پولی تھین بیگز زہر قاتل نیں، اگلے مرحلے وچ گوجرانوالہ، فیصل آباد سنے دوجے شہراں دے ڈیپارٹمنٹل سٹوراں تے پولی تھین بیگز تے پابندی لائی جاوے۔

محکمہ ماحولیات ولوں جواب دتا گیا عدالتی حکم تے من و عن عمل کیتا جا رہیا اے۔ عدالت نے ہور کاروائی 20مارچ تک ملتوی کر دتی۔

اپنا تبصرہ گھلو